【原】故里春秋（二十七）

渺渺m69vnzsah9 2020-12-29

展開全文

滬語(yǔ)講述：湯偉民

故里春秋（二十七）

作者：朱海洪

滬語(yǔ)改寫：邊秦翌

滬語(yǔ)講述：湯偉民

推薦：丁迪蒙

民以食為天！

的確，老百姓儕邪氣看重吃到嘴巴里向去個(gè)物事，搿歇個(gè)空氣居然有了霧霾，就特別念想小辰光埃種簡(jiǎn)簡(jiǎn)單單個(gè)食品。

勒勒“坤范”邊浪個(gè)小吃攤頭，我曾經(jīng)吃過(guò)5分洋鈿一盤子個(gè)重油炒面。

小辰光，差勿多每日天個(gè)早飯儕是泡飯。就是隔夜飯用開水泡泡，再弄眼隔夜菜，像油煎帶魚、黃魚鲞咾啥；假使是冬天介，就拿吊勒窗子外頭個(gè)鰻鲞扳一塊下來(lái)，哎呦，過(guò)起泡飯來(lái)鮮得勿得了。萬(wàn)一嘸沒剩菜，也是便當(dāng)來(lái)西個(gè)，切一眼海蜇皮，澆眼醬麻油；或者皮蛋拌豆腐；再簡(jiǎn)單點(diǎn)，弄塊乳腐，來(lái)一眼醬瓜、蘿卜干咾啥，儕可以個(gè)。

帶魚、黃魚、鰻鲞、海蜇皮，搿眼物事擺到今朝個(gè)臺(tái)子浪向，稱得上是“高、大、上”，但是勒勒我個(gè)小辰光，只能算是家常菜，嘸沒啥個(gè)稀奇?zhèn)€。

泡飯爽口是蠻爽口個(gè)，吃多了也想調(diào)調(diào)口味勒呀。難難板板袋袋里有了眼“壓歲鈿”，嘴巴就要饞了，眼睛就去瞄馬路對(duì)過(guò)個(gè)路邊攤。

走進(jìn)攤棚，迎面碰著了阿拉鄰居、樓浪向個(gè)王家大伯伯：“哦喲！稀客呀，來(lái)、來(lái)，來(lái)，我搭儂炒盆面”。我一本三正經(jīng)個(gè)坐了下來(lái)。

大伯伯最最拿手個(gè)就是炒面。只看到灶頭浪個(gè)火邪氣烊，照得伊面孔紅彤彤個(gè)，兩只手“嗆-嗆-嗆-嗆”個(gè)上下翻炒。過(guò)脫一歇歇，一盆金黃色個(gè)重油炒面就端上來(lái)了。

濃油赤醬個(gè)面條滴溜滾圓，比起搿歇店家里個(gè)細(xì)面神氣交關(guān)。不粘不坨咬勁足，幾根小菠菜碧綠生青，還澆了眼花生醬，一拌一吃，香味道直沖鼻頭，搿歇講起來(lái)，馬上就想到伊個(gè)味道了。

必過(guò)，街頭點(diǎn)心再哪能好吃，總歸比勿過(guò)自家屋里燒個(gè)美食呀。

面拖黃魚是阿拉屋里個(gè)頭牌菜。

1956年，爸爸“支內(nèi)”去了河南洛陽(yáng)。每年回上海探親，姆媽儕要做搿道面拖黃魚來(lái)為爸爸接風(fēng)。

姆媽到山海關(guān)路小菜場(chǎng)去買大黃魚，汏清爽之后切塊，拿只青花瓷碗，里向擺一點(diǎn)點(diǎn)鹽搭仔味精，再倒眼黃酒，要拿魚塊腌脫一歇。另外還要準(zhǔn)備一只青花瓷碗，放一把面粉，加一塊鮮酵母，搿是一種用粉紅顏色個(gè)紙頭包成扁方型個(gè)發(fā)酵粉，4分洋鈿一塊；再加一眼水調(diào)一調(diào)，面粉搭仔發(fā)酵粉儕漾開來(lái)了；打只雞蛋黃，撒眼蔥花，就成了面糊，等脫一歇就要派用場(chǎng)了。魚塊擺到面糊里向，拖一拖，四周儕滾了面糊，就可以油炸了。

一般是勒勒門口個(gè)過(guò)道搿搭炸魚。等到煤餅火頭邪氣烊個(gè)辰光，就起油鑊子。搿種辰光倒油，姆媽比平常里倒得大方多了，油燒到七、八分熱，伊就用筷子挾起魚塊，勒勒面糊里向拖勻，“刺啦、刺啦”個(gè)下到鑊子里，翻上翻下，一直炸到金黃焦脆。

四層閣王家大伯伯個(gè)老婆正好下樓：“魚香唻！阿是海洪爸爸回來(lái)了？”

“是個(gè)呀，是個(gè)呀！”姆媽興沖沖個(gè)挾了一塊魚塞到伊個(gè)嘴巴里。

“乖乖哩個(gè)咚！好吃，好吃?！贝髬寢屢幻娉砸幻骖嵶行∧_走下樓去。

房間里個(gè)收音機(jī)開勒海，搿是爸爸買個(gè)，“紅燈”牌，107塊，老價(jià)鈿了。收音機(jī)擺勒老式個(gè)夜壺箱高頭，夜壺箱就是床頭柜啦。阿拉屋里個(gè)夜壺箱是從鄉(xiāng)下頭帶出來(lái)個(gè)，蟠龍雕花，古色古香。老式個(gè)夜壺箱浪向擺臺(tái)收音機(jī)，倒是蠻特別個(gè)，傳統(tǒng)里向透出眼時(shí)尚個(gè)氣息。

爸爸歡喜聽京劇，特別歡喜“四大須生”里向個(gè)楊寶森。聽到楊派個(gè)“我本是臥龍崗散淡個(gè)人……”伊就會(huì)得閉勒眼睛，跟牢仔哼發(fā)哼發(fā)。伊還特別歡喜聽姚慕雙、周柏春個(gè)滑稽戲。姚、周兩兄弟是寧波人，鄉(xiāng)音鄉(xiāng)情邪氣親切。

我拿煎好個(gè)面拖黃魚端到房間里向，爸爸正好勒勒聽《寧波音樂家》：

“來(lái)發(fā)，棉紗線掇來(lái)…”

“勿掇…”

“來(lái)發(fā)勿掇沙發(fā)、勿掇棉紗線，來(lái)發(fā)，懶惰！”

“來(lái)發(fā)勿懶惰，來(lái)發(fā)來(lái)發(fā)痧?！?/span>

伊聽得笑出來(lái)了。

面拖黃魚擺上臺(tái)子，屋里小囡儕開心得勿得了，爸爸也眉開眼笑。我快點(diǎn)乘機(jī)挾一塊魚，先吃起來(lái)。咬開金黃色個(gè)外殼，一股熱氣沖出來(lái)，嫩白無(wú)骨個(gè)魚肉、爽滑香脆。爸爸拿出山西汾酒倒上一小杯。

汾酒助餐，魚香更濃。一家門坐勒一道，歡聲笑語(yǔ)，其樂融融。