中秋節(jié)剛正過脫，今年說是十五葛月亮十五圓，實(shí)勒中秋夜里出門賞月葛人來得葛多。

但不過啊，蘇州閑話弗大歡喜講中秋，伲也弗大講賞月，蘇州人講八月半，走月亮。特別是女小娘兒，八月半夜里儕要合好淘，戴好花，出門走月亮。蔡云有詩云：“木樨球壓鬢邊香，兩兩三三姐妹行。夜冷不嫌羅袖薄，路遙翻恨繡裙長。”

講著走月亮，就一定有石湖，蘇州人講八月十八，石湖串月。

石湖是太湖葛一個(gè)內(nèi)灣，勒蘇州城西南郊，也是離古城最近葛亦有山，亦有水葛地方，歷古以來儕是文人墨客吟詠之地。

春秋時(shí)期是吳王拜郊臺(tái)葛地方，至今還有吳城、越城葛遺址。南宋楊萬里有詩云：“萬頃平湖石琢成。尚存越壘對吳城?！?/p>

楊萬里應(yīng)葛是范至能參政葛約，搭俚葛石湖精舍題詞。而該位范參政作興就是讓蘇州石湖撥后世文人追捧葛一個(gè)源頭。

宋朝葛蘇州出過兩個(gè)出名葛“范夾里”，一是先憂后樂葛范仲淹，還有一個(gè)，就是該位石湖居士范成大哉。

范成大，字至能，考取功名以后一路官至參知政事，晚年歸隱蘇州西南郊，勒石湖邊筑別墅，自號(hào)石湖居士，人稱范石湖。

歸隱之后植花種草，盡享郊野之樂，也就勒該一段辰光里，俚 寫仔大量山水田園詩，最廣為人知葛就是《四時(shí)田園雜興》六十首則。

明代《蘇州府志》浪說：“石湖之名，實(shí)自范文穆公始?！?/p>

最晏到明朝，游石湖已經(jīng)是一項(xiàng)盛大葛民間活動(dòng)哉，明《石湖志》里就有相當(dāng)精細(xì)葛描寫。雖然講游湖葛日腳“無日無之”，但不過高潮肯定勒海八月十八。

明 陸冶 《石湖圖卷》

每年葛農(nóng)歷八月十八，石湖旁邊葛上方山浪儕有廟會(huì)，老百姓到山浪燒香祇神葛同時(shí)，合淘游湖，從而有仔“八月十八，石湖串月”葛說法。

石湖橋邊浪有一座九環(huán)洞橋，叫“行春橋”，據(jù)說勒每年葛農(nóng)歷八月十八夜，滿月偏西葛辰光，行春橋北葛水面浪，每只橋洞里儕會(huì)有一只月亮葛倒影，金波萬疊，九月成串，蔚為奇觀。

明 文伯仁 《石湖秋泛》

實(shí)勒“石湖串月”也就成為仔搭平湖秋月、盧溝曉月、三潭印月齊名葛賞月勝地。

實(shí)梗盛景，難怪范成大要講：“凡游吳不至石湖，不登行春，則與未始游者無異?！?/p>

明代文學(xué)家袁宏道也曾拿石湖上方山搭虎丘作比：“虎丘，如冶女艷妝，掩映簾箔；上方，如披褐道士，豐神特秀?！?/p>

清 徐揚(yáng) 《姑蘇繁華圖》局部

但不過如今葛上方石湖，覅說搭虎丘比肩，作興對大多數(shù)游客來說，真正聞所未聞，該個(gè)亦是捺亨樁事體呢？

問題原是出勒廟會(huì)浪。

上方山浪原來有一座五通神廟，香火鼎盛，每年農(nóng)歷八月十八前后老百姓儕會(huì)得從各地趕過來燒香祈福。慢慢叫，就形成功仔一個(gè)盛大葛廟會(huì)。每到十八前后，游人如織，攤販競擁，走月賞戲，通宵達(dá)旦。

但不過弗曉得從啥辰光開始，十八祠神就慢慢叫變仔味道，焚香祈福變成功仔借陰齋。

所謂葛借陰債弗是講真葛問五通神借著仔鈔票，而是講俚會(huì)得幫倷聚財(cái)，祝倷財(cái)運(yùn)亨通。但不過從名字也聽得出來，該種借法弗是啥個(gè)好借好還葛。假使倷真葛借陰債發(fā)仔家，搿末每年儕要去山浪燒香解錢糧，假使本人死脫，子子孫孫還要繼續(xù)清償。

清朝辰光，每年葛石湖十八夜儕有師娘跑馬“請神”搭人借債，一腳到仔康熙年間，江蘇巡撫湯斌見“祀淫神不?！?，大破五通神，再算一清迷信之風(fēng)。

但不過總歸有人要想發(fā)極財(cái)，借陰債葛風(fēng)氣勒民間屢禁不止，據(jù)說民國辰光黃金榮還來上方山借過陰債。

也就因?yàn)樵摲N荒誕葛祀神習(xí)俗，搭原本清風(fēng)賞月葛石湖染仔一層陰霾，出仔一句：“上方山葛陰債——還弗清”葛俗語。

一腳到現(xiàn)在，稍為講究點(diǎn)葛蘇州老人講起石湖，總歸還是有點(diǎn)“泥土氣”葛，嫌鄙風(fēng)水弗好。

弗曉得啥辰光，石湖再能退脫搿層俚弗應(yīng)該承受葛陰霾，還一片清朗賞月天。

文 | 予安

版 | 予安

圖片來自網(wǎng)絡(luò)