▌早餐面包

▌新海爾采格的港口

Herceg Novi呢有一只旅游項目就是出海，阿拉根據(jù)攻略高頭寫，15歐，上了一只船高頭。但是呢，超值哦，據(jù)說講比意大利100歐都合算。船高頭呢除脫阿拉兩家頭，就是一對毛親狗糧，還有兩家美國人。一家人家是姆媽帶了兩個小朋友，還有一對呢是老夫妻。阿拉兩家頭出海呢，搿只船嘛就蹲亞得里亞海里向窮開。我看了看哦，好像筆直開，開到對過就是利比亞。搿只船呢經(jīng)過一只MAMULA島。MAMULA島本生是做監(jiān)牢個，搿也是景點之一嘛，攻略高頭寫個是繞一圈就回來個。

▌MAMULA島

▌藍洞

隔手呢阿拉合算了一記嘛，還帶阿拉去只藍洞，因為搿搭忒漂亮了。來阿拉還沒注意個辰光，一只毛毛男狗糧冷陌生頭跳下去游泳，游了兩分鐘就上來，好像英雄一樣個上來噢。搿女朋友跟伊兩家頭蹲辣船高頭窮曬來。不過呢，阿拉又想錯脫了。阿拉還有一記更加合算個。阿拉呢蹲辣搿只島高頭蹲了兩個鐘頭，人家攻略高頭沒個。人家攻略高頭來了白相好了就回去了，阿拉還蹲了只島高頭兩個鐘頭。順帶便去了島高頭個城堡。搿只城堡是看守對過mamula島監(jiān)獄用個，不過現(xiàn)在已經(jīng)勿好進去了。阿拉一路高頭到城堡嘛，看到兩個歐美女人還是比較開放個，穿了比基尼辣海白相皮劃艇伊講。

▌海鷗

島高頭最吸引我個地方呢海有得海鷗，交交關(guān)關(guān)海鷗，覺著伊拉一淘準備飛起來個樣子是有眼像下班辰光個我。搿開船個呢是小朋友，98年個。我覺著瞎老，我問伊有女朋友伐？伊講有個，好，送撥伊只禮物。但是呢只赤佬特別激動，好像比歐美人上船個辰光撥小費還激動。我就之后呢按照攻略，阿拉呢尋飯店。隔手尋著飯店發(fā)覺關(guān)脫了。路旁邊就看到伊講科索沃屬于塞爾維亞。

▌開船的小伙子

▌科索沃屬于塞爾維亞的涂鴉

阿拉也蠻罪過個，只好失望而歸。算算辰光勿夠了，算了，太平點伐，直接先坐到科托爾，也勿要去布德瓦。然后呢阿拉下來倒蠻順個，但是阿拉上去到汽車站個辰光勿認得了，問了好幾個人再尋著搿個到汽車站個路，再買了搿回到科托爾個車子。號稱回來個路勿對咾，一站一站停，勿光停，搿駕駛員跟賣票員還跟路旁邊釣魚個人打招呼伊講，好像有個是親眷。

因為站站停，回去個路明顯比去個路長，所以還好，阿拉沒相信高頭到達辰光去布德瓦，否則個閑話夜到只國際大巴趕勿上，搿玩笑開大了。

▌科托爾城墻上俯瞰老城

搿天呢到了科托爾有點小雨，攻略高頭是搿能寫個，伊講科托爾城墻門票是8歐，但是呢每天五點鐘，搿看門個人，就是只毛親小男人，下班之后呢就沒人賣票子了，就好逃上去了。但是搿天子呢其實到達個辰光5點鐘還勿到，但是呢我覺著像毛親搿種民族，看到落雨，肯定老早逃回去了，反正搿票子個價佃勿是進伊自家個袋袋。難末阿拉望高頭走過去嘛，果然是搿能，毛親老早逃得來影子也沒了?？仆袪柍菈碗∧茈S便走唻。阿拉8歐省好唻。因為落雨，阿拉跑了兩只平臺就勿想再上去了，反正沒化鈔票，拍張有山有水個地方末就可以唻。

▌二分之一盤的海鮮飯

阿拉下山之后呢就蹲了搿只飯店里向吃海鮮飯，搿家海鮮飯量還是蠻大個，服務(wù)也蠻好。幫阿拉兩家頭分成兩半，就是一盆分成兩半。其實阿拉兩家頭一人一半吃了已經(jīng)有眼脹了。搿只餐廳環(huán)境還是勿錯個，價鈿還可以，但是勿曉得為啥人也勿多。夜飯呢9歐兩個人，也勿算貴咾。

▌餐廳環(huán)境

之后阿拉就回賓館去拿物事。搿辰光呢出現(xiàn)只嚴肅個問題，阿拉小朋友大姨媽來了。然后呢伊只好慢一點，我一家頭拎了兩只箱子就沖出去了。因為心里向有點急，所以跑了還是蠻快個。

阿拉呢乘個是夜車，來車子高頭睏一覺到貝爾格萊德。搿天搞笑唻，本生以為好好好叫睏一覺個，結(jié)果搿部車子噢，坐得來啪啪滿。阿拉小朋友呢身邊坐了一個南妮。為啥叫伊南妮呢？因為真?zhèn)€像。從外貌到性格到腔調(diào)，覺著南妮基本上就是按照伊個面孔來改個。

伊上來個辰光呢有個親眷陪同，陪伊講閑話，過脫歇呢車子要開了，伊親眷就走了嘛。伊一家頭坐辣阿拉小朋友旁邊。我身邊呢坐了一只阿三男人。搿只阿三男人噢，勿僅睏覺打呼嚕，身浪向一股三三個臭味道。睏著個辰光勿曉得是真睏著還是假睏著，老歡喜望我身高頭靠噢，瞎膩心。后頭來休息個辰光呢，我跟阿拉小朋友講，讓伊跟三三男人調(diào)位置，三三男人肯個。沒想到搿辰光南妮跳起來叫了：搿位置勿好調(diào)個，規(guī)定個伊講。其實我心里想覺著南妮老阿姨也勿是老想幫搿三三男人一淘坐。不過呢三三男人之后呢好像正常交關(guān)了，勿再望我身高頭靠了。

后頭來小朋友講，伊看到南妮個護照了，南妮是毛毛，嫁到塞爾維亞，還撥伊看自家年紀輕個辰光照片。實事求是講，毛毛女人年紀輕個辰光儕蠻好看個，但是呢老了之后變成南妮也是蠻嚇人個。