【原】剖視上海人個尷尬（一）高仁

渺渺m69vnzsah9 2020-12-29

展開全文

滬語朗讀：高仁

朗讀者

剖視上海人個尷尬（一）

作者：余秋雨

滬語改寫：丁迪蒙

朗讀：高仁

近代以來，上海人一直是中國一個邪氣特殊個群落。上海個古跡嘸沒多少好看個，到上海旅行，領(lǐng)受最深個就是熙熙攘攘個上海人。伊拉有交關(guān)心照不宣個生活秩序搭仔內(nèi)心規(guī)范，形成了一整套個心理文化方式，講得響亮一點，可以稱之為“上海文明”。

一個外地人到了上海，勿管勒公共汽車浪，勒商店里，還是勒馬路浪，儕會得老快就會撥認出來，主要個勿是外貌搭仔語言，而是勿能貼合搿種上海個文明。同樣個，幾個上海人到外地去，往往也是顯得邪氣彈眼，即使伊拉并勿一定勒講上海閑話。

全國儕有點離勿開上海人，又儕勒討厭上海人。各地個文化科研部門往往缺勿了上海人。上海個輕工業(yè)產(chǎn)品用起來也勿錯，上海上交撥國家個資金也邪氣可觀個，但是，交朋友卻千萬勿要去交上海人。為啥？

上海人出手勿大方，宴會臺子浪吃勿了幾杯酒，搭伊拉談點啥卻是要多動幾分腦筋，到伊拉屋里去住宿更加是要命，邪氣擁擠又處處要講究。搿能介個朋友哪能可以提交呢？

上海人可以撥罵個由頭比上頭所講個還要多得多。譬如，勿止一個政治惡棍是從上海發(fā)跡個，儂上海還有啥個閑話好講？勿大關(guān)心政治個上海人就嚇絲絲勿再講啥，偶然勒私底下會得輕輕叫講：”伊拉啥地方是上海人啦，儕是外地來了呀！但是，究竟有多少道道地地個上海人？真正道地個上海人就是郊區(qū)個農(nóng)民，而上海人又看勿起“鄉(xiāng)下人”個。

因此，上海人陷入了一種無法自拔個尷尬。搿種尷尬遠勿是從現(xiàn)在開始個。照我看來，上海人始終是中國近代史開始以來最最尷尬個一群人。

剖視上海人個尷尬，是當代中國文化研究一個沉重個課題。

上海前兩年勒徐家匯附近造了家豪華個國際賓館，叫華亭賓館，搿個名字起得勿錯，因為上海古名華亭。因此，早期個上海人也是華亭人。但是，搿搭我伲所講個上海文明基本勿搭界。

我認為，上海文明個肇始者，是明代進士徐光啟，可以算是第一個嚴格意義浪個上海人。伊個墓地離華亭賓館邪氣近。兩相對應，首尾提攜，概括勒無形個上海文明。

今朝上海人個某種素質(zhì)，勒徐光啟身浪可以找到眼蹤影。搿位聰明個金山衛(wèi)秀才，南北游逛，勒廣東碰到了意大利傳教士郭居靜，聊起來邪氣融洽，徐光啟開始曉得了天主教是哪能樁事體了。

搿年伊三十四歲，伊并勿拿剛剛聽到個西方宗教當作西洋鏡一笑了之，也勿僅僅作為一種域外知識勒某一篇著作當中記一下而已，而是邪氣深入個思考起來。伊并勿想放棄科舉，四年后到北京去應試，路過南京，專門拜訪了更加有名個歐洲傳教士利瑪竇，詢問人生真諦。以后又搭另一位傳教士羅如望交結(jié)，并接受伊個洗禮。

洗禮后個第二年，徐光啟考了進士，成為了翰林庶吉士。搿對中國傳統(tǒng)知識分子來講，已經(jīng)跨進了一道邪氣榮耀個門坎，可以安安心心做個京官了。

但迭個上海人邪氣勿安心，老是去尋當時勒北京個利瑪竇，探討個話題已經(jīng)遠遠超出宗教，天文，歷法，數(shù)學，兵器，軍事，經(jīng)濟，水利，無所不及。其中，伊對數(shù)學興趣最大，著勒翰林院個官服，邪氣癡迷個投入到了精密個西方數(shù)學思維。勿久，伊居然搭利瑪竇一道翻譯了一大套《幾何原本》。當時還是明朝萬歷年間，離開鴉片戰(zhàn)爭個炮火還有漫長個二百三十多年。

迭個上海人邪氣善于處事，并勿整天拿好一整套數(shù)學思維搭封建政治機構(gòu)尋釁挑戰(zhàn)，而是左右逢源，勿斷受到皇帝個重用。

《幾何原本》刊行了廿二年以后，伊竟然做了禮部侍郎，勿久又成了禮部尚書。獲得了介大個官職，就一本正經(jīng)宣揚天主教，提倡西方科學文明，延聘重用歐籍人士，忙了沒幾年，就過度辛勞過世了。

徐光啟死脫以后，靈柩運回上海安葬。安葬地以后也就是伊家族世代個匯居地，稱為“徐家匯”。

開通，好學，隨和，機靈，傳統(tǒng)文化學得會，社會現(xiàn)實也周旋得開，卻拿心靈個門戶向世界文明洞開，敢拿勿久之前還邪氣陌生個新知識吸納進來，并且邪氣自然個匯入人生。搿就是出現(xiàn)勒明代個第一個精明個上海人。

人生態(tài)度相當現(xiàn)實個徐光啟是勿大考慮自家個身后事個，但細看起來，伊個身后流澤實在邪氣了得。

徐家匯成了傳播西方宗教和科學文明的重鎮(zhèn)。

交通大學從上世紀末開始就出現(xiàn)勒搿搭，復旦大學勒遷到江灣之前也一度設(shè)勒附近個李公祠里向。從徐家匯一帶開始，向東延伸出一條淮海路，筆直劃過上海灘，伊曾經(jīng)是充分呈現(xiàn)西方文明個一道動脈，老上海高層社會個風度，長久個由此散發(fā)。因此，有人認為，假使要拿上海文明分等級，最高等級也可以名之為徐家匯文明。

徐光啟個第十三代孫是個軍人，伊有個外孫囡叫倪桂珍，就是名震中國現(xiàn)代史個宋氏三姐妹個母親。倪桂珍繼承了先祖?zhèn)€風格，是個虔誠個基督教徒，而且擅長數(shù)學。伊所養(yǎng)育個幾個囡兒對中國現(xiàn)代社會個巨大影響，可以看作徐光啟發(fā)端個上海文明個一次重大呈示。